രാമൻ എന്നാൽ ആത്മാവാണ്. അതുകൊണ്ടാണ് ചിലപ്പോൾ ആത്മാരാമൻ എന്ന് വിളിക്കുന്നത്. സീതയെന്നാൽ മനസ്സാണ്. മായപൊന്മാനുകളെ കണ്ടു മതിമറന്നു പോകുന്ന മനസ്സ്. രാവണൻ പത്തു ദോഷങ്ങളെ ദോഷങ്ങളെ പ്രതിനിധാനം ചെയ്യുന്നു.
1) കാമം 2) ക്രോധം 3) മോഹം 4) ലോഭം 5) മദം 6) മത്സരം 7) സ്വാർത്ഥത 8) അന്യായം
9) ക്രൂരത 10) അഹങ്കാരം
ഈ ദോഷങ്ങൾ മനസ്സിനെ ( സീതയെ) ആത്മാവിൽ നിന്ന് ( രാമനിൽ നിന്ന്) അകറ്റുന്നു. അപ്പോൾ ബുദ്ധിയുടെയും ( ലക്ഷ്മണൻ) മനശ്ശക്തി ( ഹനുമാൻ) യുടെയും വാനര സൈന്യത്തിന്റെയും ( senses) സഹായത്താൽ ഒരു പാലം നിർമ്മിച്ച് ( ആത്മാവിൽ നിന്ന് മനസ്സിലേക്ക്) ദശ ദോഷങ്ങൾ അപഹരിച്ച മനസ്സിനെ ആത്മാവിലേക്ക് തിരിച്ചു പിടിക്കുന്നു.ലങ്ക ദേഹമാണ്.അവസാനം ലങ്കയാകുന്ന ദേഹത്തിൽ നിന്ന് ആത്മാവും ആത്മാവിനോട് ചേർന്ന മനസ്സും പുഷ്പക വിമാനം എന്ന ആത്മീയമായ വാഹനത്തിലേറി അയോധ്യയെന്ന മോക്ഷത്തിലേക്കു എത്തുന്നു.ഇത് കേവലം ഒരു രാമൻറെ അയനമല്ല...എല്ലാ ആത്മാക്കളുടെയും യാത്രയാണ്.
